الصين او أمريكا؟ .. سجال كورونا بين “ميادة” و”أفراح”
الصين، التي جلبت للعالم فايروس كورونا، كانت موضوعاً لسجال اسفيري بين نجمتي الغناء السوداني ميادة قمر الدين وأفراح عصام.
الجدل بين النجمتين، دار على صفحة أفراح بالفيسبوك، حيث كتبت مقالة قصيرة ، تعبر فيها عن (غبنها وكراهيتها ) للصين !
وسرعان ما جاء الرد من ميادة قمر الدين، التي دافعت عن الصين، وكتبت ترد لأفراح:
أفراح: اهاااا اذا فعلا كان صيني هل ده بغفر للمصايب البعملو فيها
ميادة: تاني سو شنو …ديل الامريكان يا صحبتي
أفراح: إذا كانو فعلا ديل الامريكان اقلاها كانو قدرو صنعو دواء يعالجو بيها نفسهم،، علما بأن حالهم حاليا أسوا من الصين
ميادة: طيب في بالك الصين المطوره دي هي الفكتو بالرغم من انها اكتر دوله فالعالم ممتازه فالتكنولوجيا …وماقدرت تعمل علاج ما اظن…
أفراح: الصين اساسا غافله وماقادره تستوعب انو اكلهم في حرمه وفي مصايب للبني آدم…. وعجزهم عن اكتشاف اللقاح امتحان للمعاصي البعملو فيها دي
وشارك قراء الصفحة ايضاً في النقاش، أضاف احدهم (السودان) الى النقاش وكتب يقول (بلد فيها القرض ما بجيها المرض) ، ولم يتأخر رد أفراح عصام عليه ، فأجابته ساخرة (طيب مادام فيها قرض.. حظر التجوال لزومو شنو ههههههههههههه اخير اسكت)!
بيد أن التعليقات والجدل الاسفيري لم يسكت ،حتى لحظة كتابة هذا الموضوع!.