28 نصيحة لتشطيب منزلك او شقتك من خبراء “السجّانة”

في يونيو 12, 2022

عند اكتمال المباني تبدأ مرحلة “التشطيب” وهي مرحلة مهمة، لأنها تقدم التجربة النهائية والدائمة التي يتعامل معها ساكنو البيت، وتؤثر مباشرة على تجربتهم الحياتية في المنزل. ويكون التحدي الذي يواجه أصحاب المنازل عند تشطيبها في تحقيق التوازن بين الشكل الجميل، والوظيفة الملائمة، والتكلفة المناسبة.

صفحة “السجانة” التي تقدم خدماتها في مجال أسعار مواد البناء والاستشارات الهندسية المتعلقة بها نشرت بعض النصائح المفيدة التي يمكن الأخذ بها عند تشطيب المنازل، ووضع اللمسات الأخيرة لها. ننقلها لكم أدناه:

دهان حوائط الشقة بألوان فاتحة، فالألوان الفاتحة ستضيء وتوسع المكان

ماتطلي الحوائط كلها و بعدين تركب السيراميك عشان ده من أسباب ظهور رطوبة بأسفل الحوائط

. لو البياض لسه فيه عيوب ما عارف تعالجه استخدم معجون أسمنتي قبل الدهانات.

الاضاءة البيضاء حلوة بس ال warm بتحسسك ان صرفت فعلا وعملت تشطيب.

لو فى غرفة معرضه لى اضاءه طبيعيه تعامل على كدا(توفير)

لو حا تستخدموا ورق حائط اختار النقشات الصغيرة (لو شقة ضيقة )

ماتعلق الصور العائلية على الحوائط

استخدموا مرايات كبيرة (لو شقة ضيقة )

استخدام خامة واحدة من الستائر لكل الشبابيك (لو شقة ضيقة )

اختيار لون موحد سادة بنقوشات صغيرة للسجاد (لو شقة ضيقة )

ابعدوا كل البعد عن الاثاث الكبير والضخم مايسمي الضمياطي فى الديكور (لو شقة ضيقة ) اثاث تركي افضل

السقف لونة ابيض احلى

.. المطبخ من أهم الفراغات في الشقة ماتضيق مساحته عشان توسع الهول .

حاول توسع المطبخ على قد ماتقدر..

. اهتم بالليفينج أكتر من الريسيبشن.

. لو شقتك ضيقه ماتعمل حمام ضيوف عشان الضيوف ما حيجو غير مرة في السنة.

البورسلين الصيني الدبل بولش مناسب وسعرو اقتصادي في السوق السوداني كخيار افضل من السراميك

. سيراميك الجوهرة أفضل من المدينه المنورة بمراحل.

لو معاك قروش و حاتجيب بورسلين يبقى تختار نوع محترم و فرز أول إسباني مثلا و يتركب صح بمادة لازقه مش بي مونة.

. لو حابي تدلع شقتك ومعاك قروش ممكن تجليد حوايط بسيط خشب او بديل الرخام او حجر طبيعي حتنبسط .

. لو شقتك مكشوفه علي الجيران ما تنسي تعمل الستاير البلاك أوت.

. نجف الحائط ونجف السقف المبتمشي اشتريهم وبيكون معاك زوجتك ولا امك دي بطلت من 15 سنة.

. ورق الحائط الـ 3d جميل بس ماتكتر منو

. أكتر 3 حاجات عاوزك تهتم بيها هي تأسيس السباكة و تأسيس الكهرباء و العزل.

. الشبابيك الألومينيوم عملية أكتر من الشبابيك الحديد

. لو حتركب شبابيك ألومينيوم إختار قطاع التانقو لانو افضل حاليا في السوق السوداني

. الألومينيوم بيتدهن فرم ألوان كتير غير البيج و الأوف وايت على فكرة.

. لو شقتك واسعة اعمل شبابيك مفصلي و لو ضيقة اعمل الشبابيك جرار

رابط موقع السجانة