رسالة من سوداني في شنغهاي : (حوامتكم في الشمس براها تكتل الفايروس)

تناقل رواد مواقع التواصل السوداني منشورا منسوبا لمواطن سوداني في مدينة شنغهاي الصينية يتحدث فيه عن فايروس كورونا.
ويقلل وليد عبد الله، صاحب المنشور المتداول من المخاوف من الفايروس، موضحا انهم يمارسون حياتهم بصورة عادية في الصين مع الالتزام بالضوابط الصحية التي تحد من انتشار الفيروس
واشار الى ان فايروس كورونا لا يمكنه العيش في درجات حرارة اكثر من 24 درجة ( يشير موقع اوبن سودان الى ان هذه المعلومة لم يتم تأكيدها بصورة علمية) مما يقلل من امكانية انتشاره في السودان ..
وقال السوداني (وليد) في رسالته :
( احب اطمن الاخوة السودانيين شايف الخوف مبالغ فيه من كرونا انا لي اكتر من شهرين في شنغهاي عايشت الوضع هناك .. اول حاجة الصورة دي وانا في الشارع متحركين عادي ملتزمين بالتوجيهات وهي :
لبس الكمامة طول ما انت برة.. بقدر الامكان ما تلمس الاسطح زي السلالم و الترابيز.. مجرد ما ترجع غسيل اليدين قبل اي شي .. في البيت تطهير الاسطح الحنفيات مقابض الابواب … الخ.. الملابس تعرضها للشمس هنا ما ف شمس بنكويها .. من الصباح بنبلع توم على الريق نشرب الشاي بالجنزبيل .. في السودان ما شاء شمس تحسدو عليها وانا بكتب درجة الحرارة 12 درجة.. حوامتكم في الشمس براها تكتل الفايروس لانو ما بعيش في درجة حرارة اكتر من 24 درجة مئوية.. قوو المناعة البرتكان القريب الليمون الكركدي البصل الموز الجنزبيل الخضروات هنا والله بنقرش البصل قرش جد..
اعقلوها وتوكلو ما ف حاجة تجيكم
ابشركم امس الصين سجلت 29 حالة فقط مقارنة بالأيام الاولى كانت بالالاف.. عدد الناس الذين تم شفاؤهم وغادرو المستشفيات اكثر من 60000 ..
الموضوع ما خطير
ودعواتكم لينا )
يذكر انه لم يتم الاعلان رسميا عن اي اصابات بفايروس كورونا في السودان حتى يوم الجمعة